Resident Patriot

Ask me anything   nakiki-tumblr-tumblr lang para in hehe

Ang Overseas Employment Certificate (OEC) ay isang maliit na papel na ini-issue ng POEA para sa lahat ng Overseas Filipino Workers (OFW) na pupunta/babalik sa ibang bansa para magtrabaho. Para itong exit permit sa ating mga International Airports. Tsini-check ito sa airport mula sa baggage check-in, pagbabayad ng airport terminal fee at sa Immigration desks ng airport.

Sinisigurado din ng OEC system na magbabayad ang lahat ng OFW ng insurance sa Pilipinas ayon sa isinasaad ng batas.

bagong format ng overseas employment certificate (OEC)

bagong format ng overseas employment certificate (OEC)

Para kanino ang OEC

Ayon sa batas, ang OEC ay requirement para sa lahat ng OFW na na-hire sa pamamagitan ng Agency sa Pilipinas.

REPUBLIC ACT No. 10022 - AN ACT AMENDING REPUBLIC ACT NO. 8042 Migrant Workers and Overseas Filipinos Act of 1995

Section 23. Compulsory Insurance Coverage for Agency-Hired Workers.

“The recruitment/manning agency shall have the right to choose from any of the qualified insurance providers the company that will insure the migrant worker it will deploy. After procuring such insurance policy, the recruitment/manning agency shall provide an authenticated copy thereof to the migrant worker. It shall then submit the certificate of insurance coverage of the migrant worker to POEA as a requirement for the issuance of an Overseas Employment Certificate (OEC) to the migrant worker.”

Kung babasahin ng mabuti ang buong batas, parang compulsory lang ang mga insurance (OWWA, PhilHealth, Pag-IBIG) kapag dumaan sa isang agency ang na-hire na OFW. Pero kung direct hire ka ng kumpanya sa ibang bansa, marami pang tsetse buretse para patunayan ito. Kaya maraming mga OFW ang kahit directly hired sa ibang bansa ay nagbabayad na rin ng government insurance para makakuha ng OEC at nang makaiwas sa gulo at katakut-takot na sakit ng ulo.

Ano ang mga kailangan para makakuha ng OEC

- passport
- photocopy ng passport (personal info at visa/re-entry permit page)
- valid working visa
- proof of employment (employment certificate, company id, employment contract, etc.)
- perang pambayad ng mga requirements

Mga requirements na dapat bayaran

  • OWWA membership – (P2600 good for 2 years)
  • PhilHealth contributions – (P2400 good for 1 year)
  • PAG-IBIG contributions – (P100 good for one month)
  • OEC release – (P100 for 1 clearance slip valid for 2 months)
mga dapat bayaran ng OFW para makakuha ng OEC (2400 per year na yung philhealth)

mga bayarin ng ofw para makakuha ng oec (P2600 na yung owwa at P2400 na yung philhealth)

Saan makakakuha ng OEC

- Philippine Embassies sa ibang bansa
- POEA Regional Offices sa Pilipinas
- Selected SM Malls sa Pilipinas
- Selected Duty Free Shops sa Maynila
- NAIA Airport Terminals (para sa mga OFW’s na 5 days or less lang sa Pilipinas)

oec for short stay ofw's

pwede kumuha ng oec sa airport ang mga short staying ofw’s (ofwbisdak.com)

Meron ding tinatawag na Online Reservation na serbisyo ang POEA pero hindi ko pa ito nagamit at ‘di ko alam kung walang palyang ire-reserve nito ang gusto mong oras at lugar kung saan ka kukuha ng OEC. Please use with caution. Ihanda ang sarili sa mga aberyang pwedeng mangyari kung gusto mong subukan ang serbisyong ito.

POEAsite01

pambungad na bati sa mga bisita ng POEA online…

Kailan pwedeng kumuha ng OEC

- bago umuwi sa Pilipinas
- habang nasa Pilipinas
- bago lumabas ulit ng Pilipinas

Expiry date ng OEC

Ang OEC ay valid up to 2 months mula sa araw na makuha ito. Halimbawa, kung nakuha mo ito nang May 30, 2014, pwede kang magbalik-balik sa Pilipinas as many times na kaya ng bulsa mo hanggang ma-expire ang iyong OEC sa July 30, 2014.

Gaano katagal ang pagkuha ng OEC

Ang dami ng oras (kunsumisyon at sakit ng ulo) na gugulin mo sa pagkuha ng OEC ay depende sa mga sumusunod:

Saan ka kukuha ng OEC - sa airport ang pinaka-mabilis makakuha ng OEC pero yung mga 5 days or less lang ang stay sa Pilipinas na mga OFW ang ini-entertain nila.

Anong okasyon ka kukuha ng OEC - karaniwang maraming tao ang kumukuha ng OEC kapag malapit o katatapos lang ng holiday.

Anong oras ka kukuha ng OEC - umaga na ang pinaka-ideal na oras na kumuha ng OEC, minsan nga yung 11am eh late na.

Sitwasyon ng iyong mga dokumento – kung nagpalit ang status of employment at iba pa sa sitwasyon ng mga dokumento, kumunsulta muna sa mga related government agencies bago magtangkang kumuha ng OEC.

Sa klase ng sistema at serbisyo ng mga ahensya ng ating Pamahalaan, mabuti na ang maghanda ng isang buong araw para kumuha ng OEC. Magbaon na rin ng sangkatutak na pasensya, pang-intindi at pang-unawa. Kung walang problema ang mga dokumento, konti lang ang tao at hindi naman brownout, kahit 2 hours lang, makukuha na ang OEC.

Paano Kumuha ng OEC sa Pampanga

Specifically, sa Pampanga lang ang matatalakay nating guide dito kasi sa Pampanga ako madalas kumuha ng OEC. Pero maaari din itong maging reference sa mga kukuha ng OEC sa iba pang mga regional offices ng POEA. So, kung kukuha ka ng OEC sa Pampanga, nandito ang masalimuot na proseso sa aming lalawigan.

Sa 3rd Floor ng SM Pampanga kumukuha ng OEC. Sa kasamaang palad, hindi ito kasama sa mga POEA offices na pwedeng i-reserve ang appointment online. Kaya kelangang magpunta ka sa mall na ito ng maaga at makipag-unahan sa ibang mga aplikante.

Para makapunta sa SM Pampanga, gamitin ang NLEX at lumabas sa San Fernando exit para agad makapunta sa mall na ito. Pwede ring sumakay ng dyip mula sa Dau, Mabalacat bus terminal o sa San Fernando intersection para makapunta sa SM Pampanga.

1. Pumunta ng maaga sa SM Pampanga at kumuha ng Information Sheet

As early as 6:30am ay nagbibigay na ng OFW Info Sheet na merong number. Yung number ang basehan ng pagkakasunud-sunod ng mga aplikante. Sa main entrance ng SM Pampanga ito makukuha.

8:00am nagpapasok ang mga guwardiya ng mga empleyado ng SM at ng mga aplikante para sa OEC. Kahit sa oras na ito, ay marami na ang mga taong nasa labas na kumukuha ng OFW Info Sheet. Maganda kung less than 100 ang makukuha mong number para siguradong maaga kang matapos.

2. Hintayin ang guard na nagbibigay ng number ID

Kung wala pang 8am, maghintay muna sa labas o i-fill out na yung info sheet para hindi sayang ang oras. Magtatawag at mamimigay ng number ID ang isang mamang guard para makapasok sa loob ng mall ang mga aplikante pagsapit ng 8:00am.

3. Tumungo sa 3rd floor, pumila at sumunod sa instructions

  • Pagdating sa itaas, tumungo sa POEA, umupo at hintaying matawag ang number
  • Pagkatapos sa POEA, pumunta sa OWWA desk at ipa-validate or magbayad ng membership
  • Pagkatapos ng OWWA ay magtungo naman sa desk ng PhilHealth at magpa-validate din or magbayad (hihingi sila ng photocopies ng passport kung meron kang babayaran)
  • Pagkatapos ng PhilHealth ay magtungo naman sa Pag-IBIG desk at magbayad (papipirmahin ka rin ng member’s data form kung wala ka pa nito)
  • Magbalik sa POEA at magbayad ng OEC slip pag okay na ang lahat ng requirements

Pagkatapos makakuha ng OEC, malaya ka ng makakapag-enjoy ng iyong bakasyon ng walang agam-agam. So good luck na lang po sa pagkuha ng OEC at mabilis mo sanang makuha ito para hindi makabawas ng malaki sa oras ng iyong bakasyon sa ating mahal na lupang sinilangan.

Kung may nakita kang hindi malinaw o mali sa mga nakasulat dito, paki-comment na lang sa ibaba at ng maayos natin. Kung may karagdagang impormasyon ka rin, pakisaad na lang sa comment section.

Paano Kumuha ng OEC (sa Pampanga) Ang Overseas Employment Certificate (OEC) ay isang maliit na papel na ini-issue ng POEA para sa lahat ng Overseas Filipino Workers (OFW) na pupunta/babalik sa ibang bansa para magtrabaho.
— 1 month ago
#oec  #oec application process  #ofw oec requirements  #overseas employment certificate  #owwa  #paano kumuha ng oec  #pag-IBIG  #philhealth  #poea pampanga  #sm pampanga 

nagiinarteee:

lechhh:

aiklahori:

- I don’t know the original source/artist/poet. Found it on net and sharing. 

:(((

MY HEART :((

(via razzeeda)

— 2 months ago with 451946 notes
maskedlink:

HE IS ASKED TO COME CLOSE AND SNUGGLE AND HE IS SO HAPPY TO

maskedlink:

HE IS ASKED TO COME CLOSE AND SNUGGLE AND HE IS SO HAPPY TO

(via yeloforsale)

— 2 months ago with 1158664 notes